𝐈𝐍𝐎𝐍𝐀 𝐌𝐀𝐑𝐈𝐍𝐀 𝐍𝐎 𝐀𝐓𝐀𝐎 𝐇𝐎𝐄 𝐑𝐄𝐏𝐎𝐁𝐋𝐈𝐊𝐀?
Fantatrao ve fa tsy mitovy avokoa ny fomba fitantanana firenena maneran-tany?
Misy firenena atao hoe Repoblika, misy kosa Fanjakana entin’ny Andria-manjaka (Monarchie), ary nisy na mbola misy koa rafitra hafa.
Inona àry no atao hoe Repoblika?
Ny Repoblika dia rafitra itondrana firenena izay tsy lovain’olona iray na fianakaviana ny fahefam-panjakana. Ny olona mitondra ny Fanjakana dia tonga eo amin’ny toerany araka ny fomba voafaritry ny Lalàm-panorenana sy ny lalàna, ary voafetra ny fe-potoam-piasany.
🇲🇬 𝐌𝐚𝐝𝐚𝐠𝐚𝐬𝐢𝐤𝐚𝐫𝐚 𝐝𝐢𝐚 𝐑𝐞𝐩𝐨𝐛𝐥𝐢𝐤𝐚, 𝐚𝐫𝐚𝐤y 𝐧𝐲 𝐋𝐚𝐥à𝐦-𝐩𝐚𝐧𝐨𝐫𝐞𝐧𝐚𝐧𝐚.
Inona kosa ny atao hoe Fanjakana entin’ny Andria-manjàka (Monarchie)?
Ao amin’ny Monarchie, ny Mpanjaka na Mpanjakavavy no Filoham-panjakana, ary dia lova mifandimby ao anatin’ny fianakaviana mpanjaka izany toerana izany.
Ohatra: Royaume-Uni, Japon, Maroc.
Midika izany fa:
➡️ Ao amin’ny Repoblika, tsy avy amin’ny lova no ahazoana ny fitondrana.
➡️ Ao amin’ny Monarchie, ny toeran’ny Mpanjaka dia mifindra amin’ny taranany.
⚠️ Na izany aza, mety samy afaka manana lalàm-panorenana sy lalàna hajaina avokoa ireo rafitra ireo.
𝑶𝒉𝒂𝒕𝒓𝒂 𝒂𝒎𝒊𝒏’𝒏𝒚 𝒇𝒊𝒂𝒊𝒏𝒂𝒏𝒂 𝒂𝒏𝒅𝒂𝒗𝒂𝒏𝒂𝒏𝒅𝒓𝒐
Alao sary an-tsaina ny fikambanana iray:
* Raha lovain’ny zanaky ny filoha foana ny fitantanana, na inona na inona safidin’ny mpikambana, dia mitovitovy amin’ny rafitra lova izany.
* Raha misafidy mpitarika vaovao araka ny fitsipika nifanarahana kosa ny mpikambana rehefa tapitra ny fe-potoam-piasana, dia manakaiky kokoa ny foto-kevitry ny Repoblika.
Mazava ho azy fa ohatra fanazavana ihany io fa tsy mitovy tanteraka amin’ny fitantanana Fanjakana.
📌 𝐓𝐬𝐚𝐫𝐨𝐯𝐲:
Anisany mampiavaka ny Repoblika dia tsy lovain’olona na fianakaviana ny fahefam-panjakana. Ny fitondrana dia tanterahina araka ny Lalàm-panorenana sy ny lalàna, ary mandritra ny fe-potoana voafaritra.
💬 𝘼𝙧𝙖𝙠𝙖 𝙣𝙮 𝙝𝙚𝙫𝙞𝙩𝙧𝙖𝙤, 𝙣𝙖𝙝𝙤𝙖𝙣𝙖 𝙣𝙤 𝙯𝙖𝙫𝙖-𝙙𝙚𝙝𝙞𝙗𝙚 𝙖𝙢𝙞𝙣’𝙣𝙮 𝙤𝙡𝙤𝙢-𝙥𝙞𝙧𝙚𝙣𝙚𝙣𝙖 𝙣𝙮 𝙢𝙖𝙝𝙖𝙛𝙖𝙣𝙩𝙖𝙩𝙧𝙖 𝙛𝙖 𝙍𝙚𝙥𝙤𝙗𝙡𝙞𝙠𝙖 𝙞 𝙈𝙖𝙙𝙖𝙜𝙖𝙨𝙞𝙠𝙖𝙧𝙖?
Andao hifanakalo hevitra amim-panajana.
#KMF_CNOE #FanabeazanaOlompirenena #FanjakanaTanDalana #OlomPirenena #Lalana #Rariny #Sivisma #Demokrasia #Madagasikara #FiarahaMonina
